«Жастар жарқын болашақтың кепілі» атты «KazNMU CUP ІV» республикалық пікір-сайыс турнирі өтті

28.02.2019 | просмотров: 2 807

2019 жылдың 23-24 ақпанында Университетте Рухани Жаңғыру бағдарламасы және Жастар жылы аясында «Жастар жарқын болашақтың кепілі» атты «2008-2016 жылдар аралығында С.Ж.Асфендияров ҚазҰМУ ректоры қызметін атқарған, профессор Ақанов Айқан Ақанұлының құрметіне арналған «KazNMU CUP ІV» республикалық пікір-сайыс турнирі өтті.

Пікірсайыс студенттік Альфа және Бетта лигаларында және мектеп лигасында өткізілді. Жалпы турнирге Орал, Тараз, Ақтөбе, Шымкент, Түркістан және Алматы қаласының жоғары оқу орындарынан 160 студент (80 фракция), 80 мектеп оқушысы (40 фракция) қатысты.

Турнир барысында қарастырылған басты қарарлар: ҚР телемедицинаны дамыту механизімін ұсынады, медициналық ашылуларды патенттеу ақталады, медициналық қателіктерді БАҚ арқылы тарату дұрыс емес, 2018 жылдың үздік ашылуларды көрсетеді, жыныс ауыстыру ақталады және басқа тақырыптар.

Турнир нәтижесі бойынша,

Альфа лигасының жеңімпаздары:

І жүлде — Нархоз университетінің NOMADS фракциясы (Ақполат Жалғасбек және Сақтаған Жарылқасын);
ІІ жүлде – Нархоз университетінің Отставкадағы үкімет фракциясы (Еркінбек Ерканат және Елдос Қашқынбаев);
ІІІ жүлде – Әл-Фараби атындағы Қазақ ұлттық университеті Алтын сапа фракциясы (Өмірзақ Нұртуған және Палмағанбетов Абылайхан).

Бетта лигасының жеңімпаздары:

І жүлде — Сүлеймен Демирел университеті Тәуекел фракциясы (Оразғалиев Әсет, Абенов Ахметжан);
ІІ жүлде –Алматы технологиялық университеті «Өзің білсең, өзіңе сен» фракциясы (Жұмахан Нұржан, Әбдіманап Саят);
ІІІ жүлде –Қазақ ұлттық техниикалық зерттеу университеті Санжар Асфендияров фракциясы (Керимбаев Бекзат, Искалиева Асель).

Мектеп лигасының жеңімпаздары:

AПФ І орын — Алтын ауыл орта мектебінің Қаһар фракциясы (Ақылбек Гулназ Қызыр Үкіләй)
АПФ ІІ орын – Назарбаев зияткерлік мектебі және №122 жалпы білім беру мектебінің Самал мен Морти фракциясы (Жаксиманов Бейбарыс, Иманбаева Самал)
AПФ ІІІ орын – Сегізінші жарығы фракциясы, Назарбаев зияткерлік мектебі және №86 мектеп-гимназиясы (Қасымжомарт Сапан, Мерейжанов Аяжан).

Турнир барысында қатысушылар Университеттің Тарихи мұражайы мен Анатомия мұражайын аралады. Екінші күні қатысушыларға арнайы фуршет ұйымдастырылды. Турнир «Айналаны нұрландыр» жобасы аясында философия ғылымдарының докторы, әл-Фараби атындағы ҚазҰУ оқытушысы Рысбекова Ш.С. мен Сарсембаев Р.М. ұйымдастырушылық қолдауымен өтті (www.kaznmu.kz)

Сонымен қатар, турнирдің бірінші күні қатысушылар арасында футболдан А лига өткізілді. Достық ойынға 14 команда қатысты. Кубокты – «ENERGO» DC (Алматы энергетика және байланыс университеті) жеңіп алды.

«KazNMU CUP ІV» республикалық пікір-сайыс турнирінің барлық қатысушыларына сертификаттар, жеңімпаздарға дипломдар және бағалы сыйлықтар табысталды. Турнирдің бас ұйымдастырушылары – «Alma Mater» дебат клубы.

Сондай-ақ «KazNMU CUP ІV» республикалық пікір-сайыс турнирі аясында Университеттің Зияткерлік клубының ұйымдастыруымен Алматы қаласының университеттерінің командалары арасында Брейн Ринг бойынша қалалық жастар турнирі өтті. Турнирге барлығы – 60 студент қатысты.

Турнир нәтижесінде, І орын – Қазақ ұлттық техникалық университеті, ІІ орын – Қазақ-Британ техникалық университеті, ІІІ – орын Әл-Фараби атындағы қазақ ұлттық университетінің командалары жеңіп алды.

Жастар саясаты басқармасы