«Жоғары және (немесе) жоғары оқу орнынан кейінгі білім беру ұйымдарындағы ашықтықты және айқындықты қамтамасыз ету жөніндегі жемқорлыққа қарсы стандартын түсіндіру» тақырыбында онлайн-конференция

Үстіміздегі жылдың 22 мамырында С.Ж.Асфендияров атындағы Қазақ ұлттық медицина университетінде Қазақстан Республикасының 2015-2025 жылдарға арналған жемқорлыққа қарсы стратегиясын және еліміздің «Сыбайлас жемқорлыққа қарсы іс-қимыл туралы» заңын іске асыру шеңберінде онлайн-конференция өткізілді.

Онлайн-конференцияның тақырыбы: Қазақстан Республикасының Білім және ғылым министрінің 2020 жылғы 4 мамырдағы № 174-ші бұйрығымен бекітілген «Жоғары және жоғары оқу орнынан кейінгі білім беру ұйымдарындағы ашықтықты және айқындықты қамтамасыз ету жөніндегі жемқорлыққа қарсы стандартын талқылау».

Онлайн-конференцияға қатысқан арнайы қонақтар – Республикалық «Саналы ұрпақ» жобалық кеңсесінің жетекшісі Тоқышев Қайыржан Ахметбекұлы және Сыбайлас жемқорлыққа қарсы Агенттіктің Алматы қаласы бойынша департаменті басшысының бірінші орынбасары Таумұрат Данияр Таумұратұлы шақырылды. Және де университет тарапынан – Академиялық жұмыстар жөніндегі проректор Байльдинова Клара Жеңісқызы, факультеттер мен мектеп декандары, жастар саясаты басқармасының қызметкерлері, профессорлық-оқытушылар құрам және студент-жастар қауымының қалың өкілдері онлайн уақытта қатысты.

Конференция модераторы – Корпоративтік даму жөніндегі проректор У.М.Датхаев күн тақырыбына сай университетте ашықтықты және айқындықты қамтамасыз ету жөніндегі жемқорлыққа қарсы іс-қимыл бұдан бұрын атқарылып келгенін және алдағы уақытта атқарылатын іс-шаралар жөніндеі баяндап өтті.

Сонымен қатар,  конференцияда «Саналы ұрпақ» республикалық жобалық кеңесінің жетекшісі Қ.А.Токушев сыбайлас жемқорлыққа қарсы стандартты ИСО 37001 сыбайлас жемқорлыққа қарсы стандартты енгізу, сыбайлас жемқорлыққа қарсы мониторинг және аудит жүргізу, сонымен қатар ақпараттық қызметке назар аудару, «ашықтық – айқындық, өзара сенім білдіру, білім алушылар мен оқытушылар арасында ақпаратпен және идеялармен ашық бөлісу, ал, парасаттылық – бұл білім беру процесіне қатысушылардың және білім беру мекемелерінің сыбайлас жемқорлық тәуекелдері мен көріністерін болдырмайтын, кәсіптік ортаны қалыптастыратын және нығайтатын, оларға осындай мінез-құлықты ұстануға мүмкіндік беретін құндылықтар мен қағидаттарға сәйкес әрекет етуге тұрақты міндеттемесі» деген принциптерінің нақтылығын да айтып өтті.

Бұл мәселелер жайында, аталмыш стандарт ережелері төңірегіндегі ойларымен  – Академиялық жұмыстар жөніндегі проректор К.Ж.Байльдинова, Жастар саясаты басқармасының басшысы Б.С.Төлетаев және Жалпы медицина мектебінің деканы Г.А.Шопаева да әр қырынан талқылап, баяндап берді.

Конференция  Webex_Meeting.ics.  бағдарламасы арқылы өткізілді.