ҚазҰМУ-да С.Ж. Асфендияровтың туған күніне орай еске алу іс-шарасы өткізілді

Жылдағы қалыптасқан дәстүр бойынша  2017 жылдың 20 қазан күні  С.Ж.Асфендияров атындағы Қазақ Ұлттық медицина университетінің әкімшілігі, оқытушылары  мен  студенттері негізгі әкімшілік ғимаратында орналасқан С.Ж.Асфендияровтың ескерткішіне туған күніне  орай гүл шоқтарын қойып,  еске алу  іс-шарасын өткізді.

Еліміздегі көшбасшы медицина жоғары оқу орнының ашылуына  С. Ж. Асфендияровтың  сіңірген еңбегі орасан зор. Санжар Жапарұлы қазақ елінің бүгінгі болашағы үшін күрескен біртуар ұлы  тұлға. Мерекелік іс-шараға  Студенттермен жұмыс жөніндегі басқарма,  Қазақстан тарихы және әлеуметтік-гуманитарлық пәндер кафедрасы және  Жалпы медицина факультетінің студенттері қатысты.

Еске алу кеші барысында  Қазақстан тарихы және әлеуметтік-гуманитарлық пәндер кафедрасының оқытушысы Ғ.Т.Рсалдина және ҚазҰМУ мұражайының жетекшісі А.С.Саятова  Санжар Жапарұлының өмірі, қызметі, жазған еңбектері жайында айтып өтті. Мереке соңында студенттер ҚазҰМУ мұражайында С.Ж.Асфендияровтың өмірі  жайлы түсірілген деректі фильмді тамашалап, туған күніне орай жасалынған фото-суреттер тақтасын көріп тамашалады.

Студенттермен жұмыс жөніндегі басқарма,  Қазақстан тарихы және әлеуметтік-гуманитарлық пәндер кафедрасы,  Жалпы медицина факультеті