Алматыны қардан тазалауға ерікті студенттеріміз де атсалысты
Алматы қаласы бірнеше күннен бері қардың көп мөлшерде түсу салдарымен күресуде. 16-20-шы қараша аралығында қар жамылғысының биіктігі кей жерде 80 см-ге дейін жеткен, БАҚ өкілдерінің ақпаратынша орташа айлық нормасы үш есеге артқан.
Қарды жинап, тазалау жұмыстарына қалалық коммуналдық қызметі, төтенше жағдайлар департаменті, аудандық әкімшілігі қызметкерлерінен басқа,С.Ж. Асфендияров атындағы ҚазҰМУ студенттері мен қызметкерлері де атсалысты. Олар университет пен кампус, олардың жақын маңайындағы іргелес жатқан аумақтарды күртік қардан тазалады. Демалыс күніне қарамастан, бір ауыздан жабылып, университет пен кампус аумағын қардан тазалауға шыққан студенттерге зор алғысымызды айтқымыз келеді.
