ҚАЗҰМУ 90 ЖЫЛДЫҒЫНА 90 КӨШБАСШЫ

by kaznmu · 23.09.2020

ҚазҰМУ «Jas Otan» ЖҚ және Х.Досмухамедов атындағы Қоғамдық денсаулық сақтау мектебінің студенттік деканаты Университеттің Студенттік Үкіметінің қолдауымен университеттің 90 жылдық мерейтойына орай арнайы 90 студентті дайындап шығаруға бағытталған «КӨШБАСШЫЛАР МЕКТЕБІ» жобасын қолға алды.⠀

Барлық факультеттердің бірінші курс студенттерін қамтитын жоба аясында:

Студенттермен жұмыс жасаудың жаңа әдістері;
Ғылыми жұмыстарды жазудағы лайфхактар;
Көшбасшылық инттеллект;
Шешендік өнер;
Креативті ойлау мен тың идеяларды жетілдіру;
Медициналық алғашқы көмек тағы да басқа өзекті тақырыптар мен маңызды салаларды үйретуге бағытталған тренинг-сабақтар жүретін болады.

Кеше, 22.09.2020 жылы кешкі сағат 20:00-де алғашқы сабағымыз өтіп, спикерлер қатысушыларымызды жоба барысымен, Университетіміз бен оның Студенттік үкіметінің тынысымен таныстырды. Кіріспе сабағының алғашқы спикері болып Университетіміздің студенттік үкіметтің төрағасы Тұрдықұл Д. сөйлесе, кейін «Академиялық істер» жөніндегі жетекшісі Кадырова А. сөз кезегін алды. ҚазҰМУ «Jas Otan» ЖҚ төрағасының орынбасары Орынбасар Ш. «Jas Otan» ЖҚ ұйымының ішкі және сыртқы саясатымен таныстырып, болашақ лидерлерімізге сәттілік тіледі. Х.Досмұхамедов атындағы Қоғамдық денсаулық мектебінің студенттік деканы Гайдарқызы Балнұр студенттік деканаттардың негізгі қызметтері мен ұйымдастырылып жатқан жоба бойынша мәлімет беріп, студенттердің сұрақтарына жауап берді.